- ფოთის მუნიციპალიტეტის მერიის ინფორმაციით, ფოთის მერი, ბექა ვაჭარაძე, მონაწილეობს ევროპის საბჭოს ადგილობრივ და რეგიონულ ხელისუფლებათა კონგრესის 50-ე პლენარულ სესიაში.
უწყების ცნობით, პლენარული სესიის ფარგლებში გაიმართება დებატები რეგიონისთვის მნიშვნელოვან საკითხებზე. ასევე, კონგრესი აირჩევს ახალ პრეზიდენტს, ადგილობრივ და რეგიონულ ხელისუფლებათა პალატების პრეზიდენტებსა და ვიცე-პრეზიდენტებს.
ბექა ვაჭარაძე ევროპის საბჭოს ადგილობრივ და რეგიონულ ხელისუფლებათა კონგრესში საქართველოს დელეგაციის წევრად 5 წლის ვადით არის არჩეული.