ფოთის პორტში ტალღმჭრელი მოლოს რეაბილიტაცია დასრულდა

  • “ეიპიემ ტერმინალს ფოთმა“ 150 წლის 1850 მეტრის სიგრძის ტალღმჭრელი მოლოს რეკონსტრუქცია წარმატებით დაასრულა. ინფორმაციას ფოთის პორტი ავრცელებს.

უწყების ცნობით, ტალღმჭრელი მოლო არის ბარიერი, რომელიც პორტს იცავს ტალღების, დინების ზემოქმედებისგან და ქმნის უსაფრთხო და მშვიდ გარემოს ნავსაყუდელში.

ამასთან ინფორმაციაში აღნიშნულია, რომ სარეაბილიტაციო სამუშაოები 2021 წლის აპრილში დაიწყო და 2 წელი გაგრძელდა.

„ობიექტი დაპროექტდა და აშენდა მთის კლდოვანი მასებისა და საქართველოში წარმოებული 7200 ბეტონის ბლოკისგან. ტალღმჭრელი მოლოს რეაბილიტაცია ნაწილია იმ დიდი ინვესტიციისა, რომელსაც კომპანია პორტის ინფრასტრუქტურის განვითარებაში დებს. პროექტის ღირებულება 25 მილიონი აშშ დოლარია“, – აღნიშნულია ინფორმაციაში.