- მალთაყვის სანაპიროზე პროფესიონალური კრივის მსოფლიო სარეიტინგო ორთაბრძოლები გაიმართა. ასევე, ღონისძიების ფარგლებში, ორ წონით კატეგორიაში გათამაშდა საქართველოს ჩემპიონის ქამრები.
ფოთის მუნიციპალიტეტის მერიის ინფორმაციით, შეჯიბრში წარმატებით იასპარეზეს ფოთელმა მოკრივეებმა. ბექა ჭუბაბრია საქართველოს ჩემპიონი გახდა, ხოლო ირაკლი ალანიძემ მსოფლიო სარეიტინგო ორთაბრძოლაში დამაჯერებელი გამარჯვება მოიპოვა.
ღონისძიება გაიმართა საქართველოს სპორტის სამინისტროსა და ფოთის მუნიციპალიტეტის მხარდაჭერით, საქართველოს პროფესიონალური კრივის ფედერაციის ორგანიზებით.