- ფოთის მუნიპალიტეტის მერია და საქართველოს ადგილობრივ თვითმმართველობათა ასოციაცია, შვეიცარიის განვითარების და თანამშრომლობის სააგენტოს (SDC) მხარდაჭერით, ინოვაციურ კონკურსს ფოთის სითითონს მართავს, რომელიც ქალაქის ეკონომიკური ზრდისა და პოზიტიური ურბანული ცვლილებებისკენ არის მიმართული. კონკურსში მონაწილეობას იღებს, როგორც ადგილობრივი, ასევე სხვადასხვა რეგიონის წარმომადგენელი.
პროექტ “ფოთის სითითონის“ ფარგლებში, ინსპირაციისა და ქალაქის შესახებ ცოდნის გაუმჯობესების მიზნით, პირველი გაცნობითი ხასიათის ონლაინ შეხვედრა გაიმართა.
ფოთის მერიის ინფორმაციით, ორგანიზატორებმა კონკურსის შერჩეულ მონაწილეებს, ქალაქ ფოთის შესაძლებლობები და გამოწვევები გააცნეს, ასევე საკუთარი ცოდნა და გამოცდილება გაუზიარეს.