- 27 სექტემბერი დიდი საზოგადო მოღვაწის ნიკო ნიკოლაძის დაბადების დღეა.
ფოთის მუნიციპალიტეტის მერიის ინფორმაციით, ადგილობრივი თვითმმართველობის წარმომადგენლებმა, საზოგადოების წევრებთან ერთად, ნიკო ნიკოლაძის ძეგლი გვირგვინით შეამკეს.
ინფორმაციისთვის: ნიკო ნიკოლაძე ქალაქ ფოთს 1894-1914 წლებში მართავდა. მისი მოღვაწეობა ქალაქის ისტორიაში ოქროს პერიოდი და ყველაზე დიდი აღმშენებლობისა და განვითარების ხანაა.